زهره مابين الزهور
بقلم اميرة الشعر /عزه القصبي
زهره ما بين الزهور
لكنها غيرهم
بيشع منها النور
والحب ساكنهم
شافوها باقي الزهور
بعدو كدا عنها
وقالو مالها كدا متغيره
كدا ليه
اكيد دي مش مننا
ولا ينفع
لازم تسيب حينا
واليوم كمان ترحل
استنجدت بالشجر
و قالتله الحقني
خلاص نهايتي كدا
انا بحب الحي
واعشق نور الضي
سمع الشجر شكوتها
حاول يكلم جيرتها
لكن ماغير شي
قالو الزهور كلهم
ترحل ومالها مكان
سكتت وقالت ليه
جاي عليا الزمان
هصبر ع ظلمكم
ومهما طال الزمان
مسيري ادوس حيكم
وارجع وانا اقوي
خرجت وسابت
فرحة الايام
لكن جراحها مادبلت
هي الي دبلانه
والحزن كان بيتها
قالت هكون أقوى
واعيش ف اي مكان
العبره مش بالمكان
انا هبقي مهما كان
🥀 🖤 🥀 🖤 🥀 🖤
تعليقات
إرسال تعليق