على درب الحياة -الهرم المصرى نيوز

 

بقلم الشاعرفهمى محمود حجازى 

على درب الحياة عزف الزمن أوجاع

آلام كتير وفراق ودمع م اللي باع

وطفل نام محروم م اللقمة وحق كان له وضاع

وأب مات عن ابن والإبن عاش في صراع

ودنيا طعمها سم ماليانة آلم وخداع

وشب شاب م الهم صبحت حياته ضياع

ياحزن عيب اتلم وكفايا بقى أوجاع

ويافرح عدي ومر وافرد علينا شراع

خلي السفينة تمر وتعدي م الأوجاع

وترسى بنا على بر فيه السعادة تنباع

دفعنا فبها التمن صبر الأسد لضباع

وهموم كتير كالجبل وعمر مر وضاع

بقلمي فهمى محمود حجازى